Пасля паведамлення аб мініраванні з гандлёвых цэнтраў і вакзала ў Мінску эвакуіравалі 8200 чалавек
10.11.2019 / 09:33
Пра гэта паведаміла прэс-служба МНС.
Паведамленне аб небяспецы было дасланае ў кол-цэнтр Магілёўскага аддзялення чыгункі 9 лістапада а 18:54. Пасля гэтага з будынка чыгуначнага вакзала станцыі «Мінск-Пасажырскі» былі эвакуіраваныя 350 чалавек, а з трох гандлёвых цэнтраў Мінска — 7850 чалавек (з «Дана Мол» — 3000, з «Галілеа» — 2000 і з «Замка» — 2850 чалавек). Усяго было эвакуіравана 8200 чалавек. Пасля праведзеных абследаванняў выбухованебяспечных прадметаў не знайшлі.