У Полацкім раёне легкавік вылецеў у кювет: пацярпелі тры чалавекі
23.11.2019 / 13:30
У Полацку каля ГСПК «Бельчыцы» адбылася аварыя, пацярпелі тры чалавекі, паведамляе БелТА.
Паведамленне аб дарожна-транспартным здарэнні паступіла ратавальнікам 22 лістапада ў 19.48.
Калі да месца выкліку прыбылі падраздзяленні МНС, высветлілася, што легкавы аўтамабіль ЗАЗ-989 з'ехаў у кювет і перакуліўся. У салоне былі заблакаваныя тры чалавекі.
Ратавальнікі пры дапамозе адмысловай прылады дэблакавалі кіроўцу і двух пасажыраў і перадалі брыгадзе медыкаў.
Пасля агляду яны былі шпіталізаваны ў гарадскую бальніцу.