Miljarder Majkł Błumbierh paćvierdziŭ udzieł u vybarach prezidenta ZŠA, «kab pieramahčy Trampa i adradzić Amieryku»
24.11.2019 / 19:06
Były mer Ńju-Jorka Majkł Błumbierh paćvierdziŭ namier udzielničać u vybarach prezidenta ZŠA ad Demakratyčnaj partyi.
«Ja idu ŭ prezidenty, kab pieramahčy Donalda Trampa i adradzić Amieryku», — napisaŭ jon u Twitter.
«Jon [Tramp] uvasablaje pahrozu isnavańnia našaj krainy i našych kaštoŭnaściaŭ. Kali jon praviadzie jašče adzin termin na pasadzie, my možam nikoli nie ačuniać. Staŭki vysokija jak nikoli. My pavinny pieramahčy na hetych vybarach. I my pavinny pačać adradžać Amieryku», — skazana ŭ zajavie Błumbierha.
Bahaćcie Błumbierha aceńvajecca ŭ $54 miljardy. Z 2002 pa 2013 hod byŭ meram Ńju-Jorka. Taksama jon źjaŭlajecca zasnavalnikam infarmacyjnaha ahienctva Bloomberg.