Rasijskija pradpryjemstvy zavinavacili biełaruskim bolš za $ 2 miljardy
09.12.2019 / 12:15
U pytańniach skaračeńnia praterminavanaj debitorskaj zapazyčanaści, jakaja isnuje ŭ rasijskich kontrahientaŭ pierad biełaruskimi pradpryjemstvami, nazirajecca stanoŭčaja tendencyja. Pra heta paviedamiŭ žurnalistam u Maskvie hienieralny prakuror Biełarusi Alaksandr Kaniuk, paviedamlaje BiełTA.
Siońnia ŭ pasolstvie Biełarusi ŭ Rasii Hienprakuratura sumiesna z dypmisijaj praviali naradu z kiraŭnikami biełaruskich subjektaŭ tavarapravodnaj sietki pa sadziejničańni eksparcioram u pytańniach niedapuščeńnia i likvidacyi praterminavanaj debitorskaj zapazyčanaści. Pa dadzienych na 1 kastryčnika, zapazyčanaść rasijskich kontrahientaŭ pierad biełaruskimi subjektami haspadarańnia skłała $ 2 młrd 115,7 młn. Pry hetym praterminavanaja debitorskaja zapazyčanaść rasijskaha boku na hetuju datu skłałasia na ŭzroŭni $ 147,6 młn. Za studzień-vierasień jana źniziłasia na $ 1,7 młn, abo na 1,1%.
Alaksandr Kaniuk adznačyŭ, što Hienieralnaja prakuratura zajmajecca pytańniami praterminavanaj debitorskaj zapazyčanaści ŭžo na praciahu 5 hadoŭ