FIFA budzie dumać, ci adchilać Rasiju ad futboła
09.12.2019 / 16:08
U FIFA adreahavali na sankcyi ŭ dačynieńni da Rasiei, zaćvierdžanyja vykanaŭčym kamitetam Suśvietnaha antydopinhavaha ahienctva, piša Sport-Ekspres.
«FIFA pryniała da viedama rašeńnie, pryniataje siońnia vykankamam VADA. FIFA znachodzicca ŭ kantakcie z VADA i Asacyjacyjaj mižnarodnych fiederacyj alimpijskich letnich vidaŭ sportu, kab udakładnić dziejańnie rašeńnia ŭ dačynieńni da futboła», - havorycca ŭ paviedamleńni arhanizacyi.
9 śniežnia vykankam VADA zaćvierdziŭ rekamiendacyi kamiteta pa adpaviednaści i vyznačyŭ sankcyi dla Rasii za manipulacyi sa źviestkami Maskoŭskaj antydopinhavaj łabaratoryi.
U ich liku — 4-hadovaja zabarona dla Rasii na ŭdzieł u bujnych mižnarodnych spabornictvach (u tym liku Alimpijskija hulni i čempijanaty śvietu) i pazbaŭleńnie prava ich prymać, na ich nie moža padymacca ściah RF.
U pryvatnaści, pad pytańniem udzieł zbornaj Rasii ŭ adboračnym turniry da čempijanatu śvietu pa futbole — 2022.