Прэзентацыя абноўленай настолкі «Паўстанцы» адбудзецца 15 снежня ў Мінску і 18 снежня ў Гродне
У нядзелю 15 снежня а 15-й адбудзецца прэзентацыя настольнай гульні «Паўстанцы» ў бары «Каліноўскі» (Мінск, вул. Зыбіцкая 4).
12.12.2019 / 13:46
На паліцах крамаў гульня з'явіцца з 16 снежня. А на радзіме гульні, у Гродне, прэзентацыя адбудзецца 18 снежня.
«Паўстанцы» — беларуская настольная гульня, якая прапануе паглыбіцца ў атмасферу далёкага 1863 года і заняць месца знакамітай гістарычнай асобы (Каліноўскага, Урублеўскага, Мураўёва і інш.) альбо ў якасці простага беларуса паўплываць на вынікі паўстання. Упершыню «Паўстанцы» выйшлі ў 2013 годзе і набылі вялікую папулярнасць.
У другой рэдакцыі гульня набыла новы выгляд і стала больш дынамічнай, пашырылася яе гістарычнае напаўненне, а таксама з’явіліся два дадаткі — «Праклён» і «Падзеі».