Трамп зрабіў 123 твіты за дзень — гэта новы рэкорд
13.12.2019 / 17:23
Прэзідэнт ЗША Дональд Трамп 12 снежня ўсталяваў асабісты рэкорд па выкарыстанні Twitter на працягу аднаго дня з моманту ўступлення на пасаду. Трамп напісаў больш за 120 твітаў і рэтвітаў за 24 гадзіны, паведамляе The Hill.
Папярэдні рэкорд 105 твітаў быў усталяваны не так даўно.
Большасць твітаў Трампа з'явіліся раніцай, калі ён рэтвіціў дзясяткі паведамленняў дэпутатаў-рэспубліканцаў.
Твіты прэзідэнта на працягу ўсяго дня пачыналіся і заканчваліся крытыкай дэмакратаў, якія праводзяць расследаванне па яго імпічменце.