U Minsku padčas ruchu pamior kiroŭca: paškodžany dva aŭtamabili
18.12.2019 / 10:22
Zdareńnie adbyłosia ŭ sieradu kala 9.30 na vulicy Karła Libkniechta, paviedamlaje DAI ŭ svaim telehram-kanale.
56-hadovy kiroŭca «Hazeli» sutyknuŭsia z pryparkavanym u pieršaj pałasie «Aŭdzi», jaki zatym prajechaŭ napierad i paškodziŭ pryparkavany «Saab».
Pavodle papiaredniaj infarmacyi, kiroŭca «Hazeli» pamior za rulom prosta padčas ruchu. Na miescy DTZ pracujuć supracoŭniki DAI.
Dziaržaŭtainśpiekcyja nahadvaje kiroŭcam pra zabaronu na kiravańnie transpartnym srodkam u chvaravitym ci stomlenym stanie, jaki stavić pad pahrozu biaśpieku darožnaha ruchu. U vypadku, kali kiroŭca adčuŭ paharšeńnie samaadčuvańnia, nieabchodna spynicca ŭ biaśpiečnym miescy i adpačyć. Pry nieabchodnaści varta vyklikać chutkuju miedycynskuju dapamohu.