У Судане пакараюць смерцю 27 сілавікоў за забойства аднаго пратэстоўцы
30.12.2019 / 22:48
У Судане прысудзілі да смерці 27 сілавікоў за катаванні і забойства ўдзельніка пратэстаў, настаўніка Ахмеда аль-Хаіра, паведамляе AP.
Прысуд стаў першым у справе аб забойствах больш за 200 удзельнікаў масавых пратэстаў.
Смерць школьнага настаўніка Ахмеда аль-Хаіра называюць сімвалам паўстання. Смерць пратэстоўцы наступіла з-за збіцця і катаванняў.
Нагадаем, раней у Судане адбыўся вайсковы дзяржаўны пераварот. Новая ўлада адкрыла крымінальную справу супраць прэзідэнта Амара аль-Башыра.
Пасля перавароту ў краіне пачаліся масавыя пратэсты.