Пуцін унёс у парламент законапраект аб папраўках да Канстытуцыі
20.01.2020 / 18:12
Прэзідэнт Расіі Уладзімір Пуцін унёс на разгляд Дзярждумы законапраект аб папраўках да Канстытуцыі.
Паводле тэксту дакумента, прапануецца змяніць 22 артыкулы асноўнага закона.
Па праекце паправак мяркуецца, у прыватнасці, канстытуцыйна ўстанавіць мінімальны памер аплаты працы не ніжэйшы за велічыню пражытачнага мінімуму, абавязаць прэзідэнта прызначаць зацверджаныя Дзярждумай кандыдатуры віцэ-прэм'ераў і міністраў і даць кіраўніку дзяржавы паўнамоцтвы па фарміраванні Дзяржсавета. Таксама прапануецца павысіць да 25 гадоў цэнз аселасці для кандыдатаў на пасаду прэзідэнта і абмежаваць двума тэрмінамі знаходжанне адной асобы на чале дзяржавы. Акрамя гэтага, прадугледжана вынясенне гэтага закона на агульнарасійскай галасаванне.
Агульнарасійскае галасаванне па гэтым пытанні можа прайсці ў красавіку.