Upieršyniu ŭ historyi siaredniaja zarpłata va Ukrainie pieravysiła $500
03.02.2020 / 20:57
Siaredniaja naminalnaja zarabotnaja płata va Ukrainie ŭ śniežni 2019 hoda składała 12 264 hryŭni, paviedamlaje dziaržaŭnaja słužba statystyki Ukrainy. U dalaravym ekvivalencie heta $519,45 (pa siarednim aficyjnym kursie za śniežań).
U paraŭnańni sa śniežniem 2018 hoda ($380,5) jana vyrasła na 36,5%. Adna z pryčyn takoha istotnaha rostu ŭ tym, što u 2019 hodzie hryŭnia ŭmacavałasia da dalara na 17%.
Samy nizki zarobak — u rabotnikaŭ sfiery raźmiaščeńnia i arhanizacyi charčavańnia — 7280 hrn ($308). Samaja vysokaja zarpłata — u sfiery dziaržaŭnaha kiravańnia, abarony i strachavańnia — 20 360 hrn ($862).
Žychary Kijeva ŭ siarednim atrymlivajuć samyja vialikija zarpłaty — 18 869 hrn ($799). Najmienšaja siaredniaja zarpłata ŭ Čarnihaŭskaj vobłaści — 8851 hrn ($375).
Vobłaści na miažy ź Biełarussiu, akramia Kijeŭskaj, naležać da samych biednych va Ukrainie. U toj ža čas na Danbasie, u Dniapry i Adesie zarobki vyšejšyja.