Ułady Hankonha zapadozryli, što karanavirus moža raspaŭsiudžvacca pa kanalizacyjnych trubach
12.02.2020 / 18:19
Ułady Hankonha zapadozryli, što karanavirus COVID-19 moža raspaŭsiudžvacca pa kanalizacyjnych trubach, piša CNN.
U adnym z žyłych kompleksaŭ zdaryŭsia dziŭny incydent. Adnoj z zaražanych akazałasia 62-hadovaja žančyna, jakaja nie naviedvała Uchań, jaki staŭ centram epidemii, i nie kantaktavała ź inšymi inficyravanymi. Adzinaj mahčymaj krynicaj zaražeńnia byŭ pryznany 75-hadovy mužčyna, jaki trapiŭ u balnicu tydniem raniej. Pavodle papiaredniaj infarmacyi, mužčyna i žančyna nie byli znajomyja, adnak praz ich kvatery prachodziŭ adzin i toj ža kanalizacyjny stajak.
Pakolki zaražeńnie praz sistemu kanalizacyi ŭ Hankonhu ŭžo adbyvałasia padčas uspyški atypovaj pnieŭmanii ŭ 2002 hodzie, ułady na ŭsialaki vypadak evakujavali častku žycharoŭ doma i pačali praviarać sistemu vodazabieśpiačeńnia i kanalizacyi.
Akazałasia, što ŭ adnoj z kvater była samastojna pieraroblena kanalizacyjnaja truba. U vyniku niapravilna stvoranaj kanstrukcyi pavietra z unitaza mahło vychodzić vonki. A pakolki, jak ličać ekśpierty, virus moža pieradavacca praz ekskremienty, całkam mahčyma, što takim čynam jon i pierajšoŭ z adnoj kvatery ŭ inšuju.