Facebook vydaliŭ dziasiatki akaŭntaŭ, źviazanych z rasijskaj raźviedkaj
12.02.2020 / 18:37
Sacyjalnaja sietka Facebook vydaliła hrupu akaŭntaŭ z Rasii, jakaja źviazanaja z rasijskaj vajennaj raźviedkaj, i aryjentavałasia ŭ asnoŭnym na ŭkrainskich karystalnikaŭ.
Usiaho vydalili try nie źviazanyja pamiž saboj hrupy akaŭntaŭ z Rasii, Irana i Mjanmy, jakija stajali za fejkavymi ŭlikovymi zapisami i sprabavali manipulavać mierkavańniem karystalnikaŭ sacyjalnych sietak.
Zhodna z zajavaj, hrupa ŭlikovych zapisaŭ z Rasii była aryjentavana ŭ pieršuju čarhu na susiednija krainy. Hrupa akaŭntaŭ ź Irana sprabavała ŭpłyvać na aŭdytoryju ŭ ZŠA. Treciaja sietka akaŭntaŭ była stvorana ŭ Mjanmie i Vjetnamie i aryjentavałasia na aŭdytoryju ŭ Mjanmie.
U rasijskuju sietku ŭvachodzili 78 akaŭntaŭ u Facebook, 11 staronak, 29 supołak i čatyry akaŭnty ŭ Instagram. Pavodle Facebook, vydalenyja ŭlikovyja zapisy źviazany z rasijskaj vajennaj raźviedkaj.
Ludzi, jakija stajać za fejkavymi akaŭntami, vydavali siabie za miascovych žycharoŭ, niekatoryja ź ich pradstaŭlalisia hramadzianskimi žurnalistami i sprabavali źviazacca z palitykami, žurnalistami i inšymi hramadskimi dziejačami.