Słavakija pačynaje vypłačvać usim piensijanieram 13-ju piensiju
12.02.2020 / 21:00
Urad Słavakii zacvierdziŭ u sieradu padvajeńnie dziciačych hrašovych dapamoh i vypłatu 13-j piensii. Hetaje rašeńnie było pryniata napiaredadni ahulnanacyjanalnych vybaraŭ, jakija adbuducca ŭ kancy hetaha miesiaca, paviedamlaje Reuters.
Urad uznačalvaje levaja partyja «Śmier», jakaja z 2006 hoda amal bieśpierapynna kiruje Słavakijaj.
Słavackija dziaržaŭnyja finansy mohuć dazvolić sabie novyja vydatki, skazaŭ premjer krainy Piter Pielehryni, jaki zjaŭlajecca lidaram partyi «Śmier».
Paviedamlajecca, što pažyłyja ludzi buduć atrymlivać dadatkovuju piensiju ŭ kancy hoda, a ŭdovy, invalidy i inšyja asoby taksama atrymajuć dadatkovyja hrašovyja srodki.
Siaredniaja piensija pa ŭzroście ŭ Słavaččynie składaje ciapier 460 jeŭra (heta kala 1100 biełaruskich rubloŭ).