U Jeŭropie zafiksavali pieršy vypadak śmierci ad karanavirusa

15.02.2020 / 14:44

U Francyi pamior turyst z Kitaja, u jakoha byŭ znojdzieny karanavirus. Heta pieršy śmiarotny vypadak ad novaj chvaroby za miežami Azii, paviedamlaje BFM TV.

Havorka idzie pra 80-hadovaha mužčynu, jaki pryjechaŭ u Francyju z pravincyi Chubej 16 studzienia. 25 studzienia jon byŭ špitalizavany ź simptomami novaha karanavirusa. Jaho stan imkliva paharšaŭsia. Na praciahu niekalkich dzion jon znachodziŭsia ŭ krytyčnym stanie ŭ adździaleńni intensiŭnaj terapii.

Razam z kitajskim turystam była špitalizavana i jaho dačka, u jakoj taksama vyjavili karanavirus. Zaraz stan jaje zdaroŭja nie vyklikaje apaski, i nieŭzabavie žančynu vypišuć.

Nashaniva.com