Adnahrupnik studenta ź Irana: Pryjšli vyniki maich analizaŭ, nie panikujem
29.02.2020 / 11:34
Adnahrupnik iranskaha studenta BNTU Jahor, jakoha ŭčora źmiaścili na abśledavańnie z padazreńniem na karanavirus, u instahramie raskazaŭ pra vyniki svaich analizaŭ.
Zaraz chłopiec razam ź inšymi studentami BNTU, jakija kantaktavali ź irancam, znachodziacca ŭ špitali ŭ Baraŭlanach.
«Siońnia pryjšli vyniki analizaŭ, ale pakul tolki maich, astatnija chłopcy jašče čakajuć. I maje vyniki admoŭnyja. Tak što nie panikujem», — kaža Jahor.
27 lutaha u hramadziana Irana, studenta BNTU, jaki prybyŭ u Minsk rejsam z Baku 22 lutaha, byŭ vyjaŭleny karanavirus. Pacyjent i ludzi, jakija kantaktavali ź im, źmieščanyja ŭ karancin.