Niekalki kanhresmienaŭ u ZŠA trapili ŭ karancin paśla kantaktu z chvorym na karanavirus. Pobač byŭ i Tramp
10.03.2020 / 17:32
Adzin sienatar i čatyry kanhresmieny ad Respublikanskaj partyi ŭ ZŠA abviaścili pra rašeńnie samaizalavacca paśla taho, jak stała viadoma, što jany mieli kantakt z čałaviekam, jaki zachvareŭ na karanavirus, piša bbc.com.
Hetyja kanhresmieny, u liku jakich — sienatar ad štata Techas Ted Kruz, vitalisia za ruku z zaražanym čałaviekam na partyjnaj kanfierencyi.
Prezident ZŠA Donald Tramp, jaki taksama prysutničaŭ na hetaj kanfierencyi ŭ štacie Merylend u kancy lutaha, ale nie mieŭ pramych kantaktaŭ z tym čałaviekam, nastojvaje, što adčuvaje siabie dobra i nie maje patreby ŭ testavańni.
Ted Kruz, kanhresmien z Aryzony Poł Hazar, kanhresmien z Džordžyi Duh Kolinz i kanhresmien z Fłarydy Met Hietc dobraachvotna pahadzilisia prajści praceduru karancinu na praciahu 14 sutak.
Kanhresmien-respublikaniec Mark Miedoŭz, niadaŭna pryznačany kiraŭnikom aparata prezidenta Trampa, taksama sustrakaŭsia z tym čałaviekam i taksama znachodzicca ŭ dobraachvotnym karancinie.
U ZŠA paćvierdžany 738 vypadkaŭ zaražeńnia ŭ 34 štatach i akruzie Kałumbija. Kolkaść śmierciaŭ dasiahnuła 26.