Siaredni zarobak u lutym upaŭ da $509. A kali ličyć pa novym kursie — upaŭ jašče macniej
24.03.2020 / 19:35
Naminalnaja naličanaja siaredniaja zarabotnaja płata rabotnikaŭ Biełarusi ŭ lutym 2020 hoda skłała 1119,7 rubla, paviedamlaje Biełstat.
Fota Nadziei Bužan
Sioleta ŭ studzieni siaredniaja zarpłata była na ŭzroŭni 1118,1 rubla.
U pieraliku na dalary siarednija zarpłaty źnizilisia. Studzieńskaja zarpłata da vypłaty padatkaŭ skłała 527 dalaraŭ, a lutaŭskaja — 509 dalaraŭ (kali ličyć pa siarednieŭzvažanym kursie Nacbanka za miesiac). Pa biahučym kursie lutaŭskaja zarpłata składaje 431 dalar.