Каранавірус пацверджаны ў Шумілінскім раёне
03.04.2020 / 14:51
У бальніцы Шумілінскага раёна знаходзіцца хворы на COVID-19, паведамляе «Радыё Свабода».
Удзень 3 красавіка з'явілася інфармацыя пра магчымы выпадак каранавіруса ў гарадскім пасёлку Шуміліна. Каранавірус выявілі ў мужчыны з райцэнтра. Ягоная жонка трапіла пад каранцін, а памяшканне ўстановы, у якой яна працуе, дэзынфікавалі спецыялісты.
«На гэты момант чалавек знаходзіцца ва ўстанове аховы здароўя, — паведамілі «Свабодзе» ў Шумілінскім райвыканкаме. — Выпадак захворвання (на COVID-19) ёсць. Пакуль, дзякуй Богу, усё добра».