U MZS Rasii raspaviali pra zapyt ad Biełarusi na akazańnie dapamohi ŭ baraćbie z karanavirusam

09.04.2020 / 15:30

Rasija atrymała i razhladaje zvaroty Biełarusi adnosna akazańnia respublicy dapamohi ŭ baraćbie z raspaŭsiudžvańniem karanavirusa. Pra heta zajaviŭ u intervju TASS namieśnik ministra zamiežnych spraŭ RF Andrej Rudenka.

«Tak, takija zvaroty ad biełaruskaha boku pastupali, — skazaŭ jon, adkazvajučy na ​​adpaviednaje pytańnie. — My ich razhladajem u duchu sajuźnickich i brackich adnosin pamiž našymi krainami».

Namieśnik kiraŭnika MZS źviarnuŭ uvahu na toje, što 4 krasavika ŭ Minsk byli dastaŭleny ŭ paradku biazvypłatnaj dapamohi 10 tys. testaŭ na karanavirus ź nieabchodnymi reahientami. «Jość zapyty i pa inšych pazicyjach. Usie jany znachodziacca na razhladzie», — padkreśliŭ Rudenka.