Va Ukrainie chočuć padoŭžyć zabaronu rasijskich sacsietak jašče na 3 hady
10.04.2020 / 17:09
Staršynia Słužby biaśpieki Ukrainy Ivan Bakanaŭ unios u Radu nacyjanalnaj biaśpieki i abarony Ukrainy prapanovu padoŭžyć sankcyi ŭ dačynieńni da rasijskich sacyjalnych sietak «Adnakłaśniki» i «UKantakcie» jašče na 3 hady.
«Fejki ŭ krainach stałaj demakratyi pryraŭnavany da zbroi masavaha źniščeńnia. Suprać Ukrainy praciahvajecca hibrydnaja vajna, i my praciahvajem supraćstajać infarmacyjnym atakam z boku Rasii. Tamu ŭ praciahu sankcyj jość sens: hetym my abaronim našych hramadzian ad fejkaŭ i manipulacyj, a adpaviedna — zachavajem biaśpieku dziaržavy ŭ cełym», — zajaviŭ Bakanaŭ.
Za pieryjad dziejańnia sankcyj kolkaść ukrainskich karystalnikaŭ u hetych sacyjalnych sietkach źmienšyłasia ŭ 3 razy. I heta značna zvuziła metavuju aŭdytoryju, na jakuju nakiravany infarmacyjnyja apieracyi rasijskich śpiecsłužb.