U Vialikabrytanii kolkaść chvorych na karanavirus pieravysiła 100 tysiač čałaviek
16.04.2020 / 16:58
Vialikabrytanija stała šostaj krainaj u śviecie, dzie było pacvierdžana bolš za 100 tysiač vypadkaŭ zaražeńnia novym karanavirusam. Jak havorycca ŭ paviedamleńni, raspaŭsiudžanym u čacvier Ministerstvam achovy zdaroŭja krainy, kolkaść śmierciaŭ siarod pacyjentaŭ z karanavirusam dasiahnuła 13 729.
«Z 327 608 čałaviek, u jakich byli ŭziatyja analizy [na najaŭnaść karanavirusa], u 103 093 jany dali stanoŭčy vynik. Pa stanie na 17:00 15 krasavika 13 729 čałaviek z tych, chto byŭ špitalizavany ŭ Vialikabrytanii, na žal, pamierli», — adznačajecca ŭ tekście. Za sutki byŭ zarehistravany 861 novy śmiarotny vynik.
Akramia Złučanaha Karaleŭstva, bolš za 100 tys. chvorych było vyjaŭlena ŭ Hiermanii, Ispanii, Italii, ZŠA i Francyi.