Paśla śviat: karanavirus u kiraŭnictva manastyra ŭ Žyrovičach i chramaŭ Minska
08.05.2020 / 14:40
Zaražeńni karanavirusam fiksujucca ŭ śviataroŭ u roznych rehijonach krainy. Pra heta stała viadoma «Našaj Nivie» ad krynic u sanitarna-epidemijałahičnych słužbach.
Ilustratyŭnaje fota Nadziei Bužan
Novyja vypadki fiksujucca ŭ manastyry ŭ Žyrovičach. Tut pra pazityŭny test adnaho z kiraŭnikoŭ stała viadoma 29 krasavika. Jon znachodziŭsia ŭ kiełli adzin.
Jość zachvarełyja z pnieŭmanijami i pacvierdžanym karanavirusam u minskim Śviata-Duchavym kafiedralnym sabory. Tut 65-hadovy śviatar zdavaŭ test jašče 11 krasavika — admoŭny. A praz dva dni zjavilisia kašal i tempieratura. Nastupny test byŭ stanoŭčym.
Nastajaciel inšaha minskaha chrama syšoŭ na balničny 23 krasavika. Z pnieŭmanijaj jaho advieźli ŭ 6-ju balnicu Minska. Dniami pryjšoŭ stanoŭčy test.
Raniej stała viadoma, što z 130 manachiń Śviata-Jelisaviecinskaha manastyra karanavirus vyjaŭleny ŭ 60-ci. Prynamsi 10 ź ich špitalizavanyja, adna pamierła.