У ЗША вяртаюць расійскія апараты ШВЛ пасля пажараў у бальніцах
13.05.2020 / 07:21
Амерыканскія ўлады прымуць рашэнне аб выкарыстанні дастаўленых Расіяй апаратаў штучнай вентыляцыі лёгкіх (ШВЛ) «Авента-М» Уральскага прыборабудаўнічага завода пасля высвятлення прычын пажару ў Санкт-Пецярбургу. Пра гэта паведаміў tass.ru афіцыйны прадстаўнік Федэральнага агенцтва ЗША па надзвычайных сітуацыях (FEMA).
Паводле яго слоў, расійскія апараты ШВЛ яшчэ не выкарыстоўваліся ў амерыканскіх бальніцах, паколькі сітуацыя з каранавірусам у ЗША за гэты час палепшылася, і яны пакуль не спатрэбіліся.
«У якасці мер засцярогі ўлады штатаў вяртаюць апараты ШВЛ FEMA. Высновы расследавання, якое вядзецца расійскімі ўладамі з нагоды пажару ў Санкт-Пецярбургу, дапамогуць нам прыняць рашэнне адносна любога далейшага выкарыстання гэтых апаратаў ШВЛ», — дадаў ён.
Улады штатаў Нью-Ёрк і Нью-Джэрсі агулам атрымалі 45 апаратаў ШВЛ з Расіі і цяпер вяртаюць іх федэральным уладам.