Siabry Ryhora Kastusiova za 2 hadziny sabrali hrošy na jahony štraf za akcyi suprać «pahłybleńnia intehracyi»
27.05.2020 / 10:26
Staršynia partyi BNF Ryhor Kastusioŭ raskazaŭ 26 maja ŭ fejsbuku, što prablema z apłataj jahonaha štrafu za akcyi pratestu vyrašanaja: siabry za dźvie hadziny sabrali hrošy, apłacili štraf i zbor addziełu prymusovaha vykanańnia.
Raniej za niavypłatu štrafaŭ sudovyja vykanaŭcy nakłali abmiežavańni na vykarystańnie aŭtamabila i haraža staršyni Partyi BNF Ryhora Kastusiova.
Akcyi suprać pahłybleńnia intehracyi z Rasijaj prajšli ŭ śniežni. Kastusioŭ byŭ aštrafavany na 810 rubloŭ. Akramia taho, paśla pačatku vykanaŭčaj vytvorčaści jamu treba zapłacić jašče 10% štrafu. Ahulnaja suma zapazyčanaści — 891 rubiel.