U Novaj Ziełandyi vylečyli apošniaha chvoraha z karanavirusam
08.06.2020 / 08:04
Novaziełandskija miedyki pryznali zdarovym apošniaha pacyjenta z karanavirusam, novyja vypadki infikavańnia nie vyjaŭlalisia na terytoryi krainy bolš za dva tydni. Pra heta paviedamiła ŭ paniadziełak nacyjanalnaje Ministerstva achovy zdaroŭja.
Upieršyniu z 28 lutaha, kali byŭ vyjaŭleny pieršy vypadak zaražeńnia, na terytoryi krainy nie zastałosia ludziej z pacvierdžanym dyjahnazam.
Pavodle źviestak Ministerstva, ahulnaja kolkaść inficykavanych u krainie składaje 1 504 čałavieki. Vylečylisia 1482 pacyjenty, pamierli 22. Apošni vypadak zaražeńnia byŭ zarehistravany 22 maja. Testavańnie na najaŭnaść karanavirusa prajšli 295 tys. čałaviek.
Novaja Ziełandyja abviaściła pra pieramohu nad karanavirusam jašče ŭ kancy krasavika. Z taho času vyjaŭlali tolki adzinkavyja vypadki, a ciapier vylečyli apošniaha.
Kraina ŭviała strohija abmiežavalnyja miery ŭ samym pačatku epidemii. Byli chutka pierakrytyja miežy, uviedzieny strohi karancin dla ŭsich, chto viartaŭsia z-za miažy, zakrytyja dla naviedvańniaŭ hramadskija miescy, kaviarni i restarany (im było zabaroniena navat pracavać na vynas abo praz servisy dastaŭki), abmiežavany hramadski transpart.
Dziakujučy hetym mieram krainie faktyčna ŭdałosia praduchilić epidemiju.
Ciapier bolšaść abmiežavańniaŭ źniata.