Biełhazprambank adnaviŭ apieracyi z valutaj
17.06.2020 / 08:14
Biełhazprambank adnaviŭ šerah apieracyj z zamiežnaj valutaj dla fizičnych asob, praviadzieńnie jakich było niemahčymaje z 23:00 16 červienia. Pra heta paviedamiła pres-słužba banka.
U paviedamleńni adznačajecca, što z 08:30 17 červienia 2020 hoda adnoŭleny nastupnyja apieracyi:
- źniaccie najaŭnaj zamiežnaj valuty na terytoryi Biełarusi z vykarystańniem bankaŭskaj płaciežnaj kartki;
- uniasieńnie najaŭnych biełaruskich rubloŭ na biahučy rachunak z kartki, adkryty ŭ zamiežnaj valucie;
- r2r-pieravody ŭ zamiežnaj valucie pamiž kartkami Biełhazprambanka, kali lubaja ź ich emitavana da biahučaha rachunku z BPK ŭ biełaruskich rublach;
- r2r-pieravody ŭ biełaruskich rublach pamiž kartkami, vypuščanymi Biełhazprambankam, kali lubaja ź ich emitavana da biahučaha rachunku z BPK ŭ zamiežnaj valucie;
- r2r-pieravody ŭ biełaruskich rublach na kartki, emitavanyja Biełhazprambankam da biahučaha rachunku z BPK ŭ zamiežnaj valucie;
- bieznajaŭnyja apieracyi ŭ zamiežnaj valucie, jakija ažyćciaŭlajucca na terytoryi Biełarusi, u tym liku na biełaruskich internet-resursach z vykarystańniem bankaŭskaj płaciežnaj kartki abo jaje rekvizitaŭ, emitavanaj Biełhazprambankam da biahučaha rachunku z BPK u biełaruskich rublach.