Першы ў Беларусі мультымедыйны фантан адкрыюць 3 ліпеня ФОТА
Першы ў краіне мультымедыйны фантан будзе адкрыты 3 ліпеня ў сталічным парку Янкі Купалы. Распрацоўку канцэпту ажыццяўляла Група Сбербанк, яна ж фінансавала выкананне неабходных будаўнічых работ. У дзень запуску мінчукам пакажуць унікальнае шоу ў акваторыі ракі Свіслач, распавялі ў БПС-Сбербанку.
30.06.2020 / 12:21
Канцэпцыя «разумнага фантана» мае на ўвазе магчымасць «трансляцыі» асветніцкіх праграм для дарослых і дзяцей. За рэалістычнае адлюстраванне мультымедыйнага кантэнту адказвае адмысловы водны экран. Менавіта яго плоскасць будзе ў будучыні трансліраваць адукацыйныя відэа, а ў дзень адкрыцця стане яркім фонам ўрачыстага запуску.
Стварэнне фантаннага комплексу цалкам фінансуе Група Сбербанк. Рэалізацыя праекту ажыццяўляецца пры падтрымцы Мінгарвыканкама.
Фантан стане самым буйным і магутным у Беларусі. Комплекс выкананы ў форме прастакутніка даўжынёй 90 метраў і шырынёй 16 метраў. Водную феерыю ўтвараюць каля 200 струменяў, якія падымаюцца на вышыню да 30 метраў. Яны таксама могуць ствараць розныя эфекты, такія як бягучая дарожка, веер, лілея, бакавыя дугі і іншыя.
На бягучы момант завершаны работы па мантажы фантана і ажыццяўляюцца яго тэставыя запускі.