Restaratar Prakopjeŭ, jaki źjechaŭ z krainy, patrabuje ad Łukašenki ci prabačeńniaŭ, ci dueli
15.07.2020 / 00:26
Biełaruski restaratar Vadzim Prakopjeŭ, jaki raniej paviedamiŭ pra svoj adjezd u Sinhapur, zapisaŭ videazvarot da Alaksandra Łukašenki.
Restaratar zapeŭnivaje, što Łukašenka niehatyŭna adazvaŭsia ab papiarednim zvarocie Prakopjeva.
Prakopjeŭ zajaviŭ, što ŭ hetym razie jość tolki 2 varyjanty — publičnaje prabačeńnie abo duel.
«U vas, Alaksandr Łukašenka, jość 24 hadziny na adkaz», — skazaŭ Prakopjeŭ.
«Kali Vy, Alaksandr Łukašenka, addaście pieravahu nie prasić prabačeńnia, tady stary pravierany sposab, biez pantoŭ i kryminalščyny. 3 raŭndy ŭ rynhu pa 3 chviliny», — skazaŭ restaratar.
U jakaści siekundantaŭ jon prapanavaŭ kiraŭnika MUS Juryja Karajeva i byłoha načalnika AMAP Juryja Padabieda.
«Čas pajšoŭ», — zaviaršyŭ zvarot Prakopjeŭ.