Rasijskija enierhietyki zojmucca vytvorčaściu vadarodu
22.07.2020 / 21:20
Minenierha Rasii raspracavała i nakiravała va ŭrad «darožnuju kartu» «Raźvićcio vadarodnaj enierhietyki ŭ Rasii» na 2020-2024 hady, piša RBK. Vyrablać vadarod mohuć «Rasatam», «Hazprom» i NOVATEK.
Rasija płanuje vyrablać i ekspartavać vadarod u suviazi z suśvietnym trendam na admovu ad vuhlevadarodnaj enierhietyki praź jaje niehatyŭny ŭpłyŭ na klimat i ekałahičnuju situacyju, jak vynikaje z tłumačeńnia da «darožnaj karty». Pakul što hety trend stvaraje pahrozu dla enierhabiaśpieki Rasii — adnaho z najbujniejšych pastaŭščykoŭ nafty, hazu i vuhalu ŭ śviecie. Užo z nastupnaha hoda ŭrad Rasii maje namier farmavać reputacyju Rasii jak pastaŭščyka vadarodu, jaki źjaŭlajecca adnoj z alternatyŭ tradycyjnym enierhanośbitam, tłumačycca ŭ dakumiencie.