Ноччу футбаліста «Крумкачоў» Казеку з РУУС у кайданках і пад канвоем забрала хуткая дапамога
31.08.2020 / 08:56
Сяргей Казека і Павел Расолька, ФК «Крумкачы»
Учора ў цэнтры Мінска былі затрыманыя футбалісты «Крумкачоў» Сяргей Казека і Павел Расолька. Футбалісты былі дастаўленыя ў Ленінскае РУУС, піша Tribuna.com.
Уначы Сяргея Казеку з РУУС у кайданках і пад канвоем забрала хуткая дапамога, пра гэта паведаміў Уладзіслаў Маяроўскі ў Facebook.
Дырэктар «Крумкачоў» Алег Давідовіч напісаў, што ў Казекі пералом трэцяга пазванка, пашкоджаныя ныркі.
Праваабаронцы паведамляюць, што гульцы былі затрыманыя за пашкоджанне міліцэйскага мікрааўтобуса.
Раней «Радыё Свабода» інфармавала пра тое, што гульцы вярталіся з трэніроўкі разам з трэнерам каманды Аляксандрам Бялінскім. Спартсмены прайшлі кардоны міліцыі, аднак на іх наляцеў АМАП, футбалістаў затрымалі і збілі.