У Гомелі затрымалі члена Каардынацыйнай рады Васіля Палякова
31.08.2020 / 16:39
31 жніўня ў Гомелі затрымалі сябра Каардынацыйнай рады Васіля Палякова, піша Радыё Свабода.
Васіль Палякоў быў у судзе Цэнтральнага раёна Гомля, даведваўся пра лёс затрыманых 30 жніўня. Выйшаў з суда і быў затрыманы міліцыяй. Дзе ён цяпер — невядома.
Удзень 31 жніўня ў Менску супрацоўнікі ДФР таксама затрымалі сябра прэзыдыюму Каардынацыйнай рады Лілію Уласаву.