MUS apublikavała «zvanki niezadavolenych minčukoŭ» z zaklikam rasstrelvać pratestoŭcaŭ
24.09.2020 / 17:31
Na liniju 102 stali aktyŭna telefanavać žychary Minska, jakija nibyta niezadavoleny dziejańniami ŭdzielnikaŭ mirnych akcyj pratestu. Za apošnija sutki ŭ staličnuju milicyju źviarnulisia niekalki sotniaŭ čałaviek, paviedamlaje MUS.
«Prostyja zakonapasłuchmianyja ludzi: rabočyja, piensijaniery, šmatdzietnyja baćki, kiroŭcy hramadskaha transpartu i taksi — prosiać prybrać z vulic šumnych i ahresiŭnych pratestoŭcaŭ», — raspaviali ŭ MUS.
MUS apublikavała zvanki hetych žycharoŭ Minska, niekatoryja ź ich dastatkova radykalnyja.
Adzin z tych, chto telefanavaŭ, zaklikaŭ ministra Karajeva zamiest humavych kulaŭ prymianiać bajavyja.
«Kałašnikaŭ nichto nie admianiaŭ. Paru strełaŭ u hałavu — i ŭsie praćvieraziejuć», — zajaviŭ mužčyna.
Cikava, što ŭ MUS spačatku apublikavali adnu viersiju zvankoŭ.
Zatym videa pierazalili, jano ŭžo było skaročanaje.