Na minskaj elektrapadstancyi naziralisia jarkija ŭspyški. U «Minskenierha» raspaviali, što heta było VIDEA
29.10.2020 / 21:50
29 kastryčnika žychary Minska nazirali jarkija ŭspyški ŭ rajonie vulicy Cimirazieva. U damach na niekalkich vulicach źnikła elektryčnaść. U Minskenierha prakamientavali avaryju.
«Siońnia, u 19.41 pa dyśpietčarskich kanałach staličnych elektrasietak zafiksavana paškodžańnie ŭ vysakavoltnaj sietcy. Papiarednie ŭstanoŭlena, što adbyłosia paškodžańnie kabielnaj linii 10 kV, z adklučeńniem niekatorych spažyŭcoŭ Minska pa vulicach Alšeŭskaha i Łyńkova. Apieratyŭnyja bryhady enierhietykaŭ adrazu ž prystupili da adnaŭleńnia elektrazabieśpiačeńnia spažyŭcoŭ», — raspaviali ŭ «Minskenierha».