Łatvijskaja fiederacyja chakieja: Mahčymy ŭdzieł Baskava ŭ represijach nie adpaviadaje pryncypam marali
23.11.2020 / 22:26
Łatvijskaja fiederacyja chakieja adpraviła list FCHB.
«Padčas padrychtoŭki da ČS-2021, pačynajučy sa žniŭnia, my sutyknulisia z padziejami ŭ Biełarusi, jakija pieraškadžajuć paśpiachovaj pracy arhkamiteta. Heta kali nie ŭličvać ciažkaściaŭ, źviazanych z pandemijaj karanavirusa. Niahledziačy na heta, FCHŁ prajaviła hatoŭnaść da siabroŭskich i dziełavych adnosin, što dazvalała praciahvać padrychtoŭku da turniru.
Na žal, padziei apošnich tydniaŭ užo nie ŭskosna, a niepasredna źviazany z FCHB i jaje kiraŭnictvam. My nie možam ihnaravać infarmacyju i materyjały, pradastaŭlenyja ŚMI, a taksama niedastatkovyja tłumačeńni ad biełaruskaj fiederacyi ab situacyi, jakaja skłałasia.
Ličym, što vyšejzhadanyja padziei kidajuć cień na reputacyju FCHB i źjaŭlajucca niepasrednaj pahrozaj dla reputacyi ŭsiaho chakieja, jak vidu sportu.
Pradstaŭlenaja ŚMI infarmacyja i materyjały ab mahčymym udziele staršyni FCHB Dźmitryja Baskava ŭ represijach suprać mirnych žycharoŭ Biełarusi nie adpaviadajuć ahulnapryniatym pryncypam etyki i marali. Heta nie moža być prymalna abo apraŭdana. Za takoje, pavodle Kodeksa pavodzin IICHF, asoba, jakaja ŭčyniła padobnuju pravinnaść, pryciahvajecca da dyscyplinarnaj adkaznaści», — havorycca ŭ zvarocie.
Nahadajem, što Čempijanat śvietu pa chakiei pavinien adbycca ŭ Minsku i Ryzie ŭ pieryjad z 21 maja pa 6 červienia. U arhanizacyi jość kala 4 miesiacaŭ da pačatku turniru, kab dakładna vyznačycca z krainami-ŭdzielnikami i, u vypadku čaho, zrabić zamienu.