Матч «Дынама» Мінск — БАТЭ пройдзе без гледачоў
24.11.2020 / 16:54
Лёс залатых медалёў чэмпіянату краіны па футболе, магчыма, вырашыцца ў апошнім туры.
Перад апошнім турам становішча наступнае: БАТЭ — 57, «Шахцёр» — 56. Толькі гэтыя дзве каманды прэтэндуюць на чэмпіёнства.
«Шахцёр» згуляе на сваім полі з «Мінскам», а мінскае «Дынама» прымае БАТЭ. Гульня пройдзе 28 лістапада (субота) на стадыёне «Дынама». Аднак матч пройдзе без гледачоў. Пачатак абодвух матчаў а 14-й.
БАТЭ ў выпадку перамогі вяртае чэмпіёнства. «Шахцёру» трэба дома перамагаць і чакаць асечкі барысаўцаў.
Калі пасля 30-га тура ў камандаў будзе роўная колькасць балаў, то прызначаць «залаты» матч.