Ziemlatrus u Charvatyi źniali ŭ žyvym efiry VIDEA
30.12.2020 / 11:53
U internecie źjaviłasia videa mahutnaha ziemlatrusu, jaki pierapyniŭ intervju mera charvackaha horada Pietrynia. Rolik byŭ apublikavany baśnijskim telekanałam TV N1 Sarajevo u Twitter.
Na kadrach palityk adkazvaje na pytańni žurnalistaŭ, kali raptoŭna pačynajucca mocnyja padziemnyja šturški. Žurnalisty spałochana chapajucca adzin za adnaho.
Ziemlatrus adbyŭsia ŭ aŭtorak. Mahnituda dasiahnuła 6,3 pa škale Rychtera. Epicentr znachodziŭsia za 44 kiłamietry na paŭdnievy ŭschod ad Zahraba. Pa acency Jeŭrapiejska-Mižziemnamorskaha siejsmałahičnaha centra, ziemlatrus staŭ najmacniejšym u krainie za hety hod.
Achviarami stali siem čałaviek. Siarod zahinułych — 12-hadovaja dziaŭčynka ź Pietrynia, značnaja častka jakoha była razburana ŭ vyniku ziemlatrusu.