Арменія пацвердзіла гібель больш за 3 тысячы вайскоўцаў у Карабаху
03.01.2021 / 08:18
Арменія паведаміла пра гібель больш за 3,3 тысячы вайскоўцаў падчас апошняга абвастрэння карабахскага канфлікту. Пра гэта паведаміла прэс-сакратар Міністэрства аховы здароўя Арменіі Аліна Нікагасян у Facebook.
Паводле апошніх звестак Міністэрства аховы здароўя Арменіі, больш за 3,3 тысячы целаў загінулых вайскоўцаў у Карабахскай вайне ўжо прайшлі судмедэкспертызу.
«Судмедэкспертызу прайшлі 3330 целаў загінулых вайскоўцаў. Спецыялісты судова-медыцынскага цэнтра Міністэрства аховы здароўя бесперапынна працягваюць даследаванні і ідэнтыфікацыі», — гаворыцца ў афіцыйным паведамленні.