Biełenierha: Ciepłazabieśpiačeńnie ŭ Malinaŭcy, Michałovie i Paŭdniovym Zachadzie adnaŭlajecca
Ciepłazabieśpiačeńnie ŭ Maskoŭskim rajonie Minska adnaŭlajecca, paviedamlaje «Biełenierha».
22.01.2021 / 16:53
Na 16:00 idzie padłučeńnie spažyŭcoŭ. Ciepłazabieśpiačeńnie adnaŭlajecca. Ciapło viartajecca ŭ damy žycharoŭ Michałova, Malinaŭki, Paŭdniovaha Zachadu. Ramontnyja pracy byli skončany ŭ 13:20.
U Maskoŭskim rajonie Minska 21 studzienia adbyłasia avaryja na ciepłasietkach. Akazałasia, što paškodžany silfonny kampiensatar, jaki zhładžvaje mocnyja pierapady tempieratury ŭ trubapravodzie. Pryčyna paškodžańnia vyśviatlajecca. Byŭ arhanizavany avaryjny ramont. Prablemy ź ciepłazabieśpiačeńniem zakranuli 244 žyłyja damy, 28 dziciačych sadkoŭ i 17 škoł.