«Moža, inicyjatyva asobnaj škoły». Vučniaŭ apytvajuć, ci chacieli b jany nie mieć zadańniaŭ pa biełaruskaj movie i litaratury
29.01.2021 / 16:25
Pa internecie hulaje fota mierkavanaha apytańnia školnika ŭ adnoj sa škołaŭ, pytańni datyčać biełaruskaj movy i vyklikajuć ździŭleńnie.
Fota, jakoje hulaje pa sietcy
«Padabajecca vam na ŭrokach biełaruskaj movy abo nie vielmi?», «Ty chacieŭ by, kab nie zadavali zadańniaŭ pa biełaruskaj movie i litaratury?», «Tabie padajecca, kali admianiajuć uroki pa biełaruskaj movie i litaratury?» — takija pytańni ŭ ankiecie.
U Ministerstvie adukacyi zapeŭnivajuć, što kali ankietavańnie sapraŭdnaje, to nie maje centralizavanaha charaktaru.
«My raźbirajemsia, adkul uziałasia hetaja ankieta, moža być, heta inicyjatyva asobnaj škoły», — skazała aficyjny pradstaŭnik Minadukacyi Julija Vysockaja.