U Kitai vyzvalili abaroncu tybieckaj movy
Abaroncu tybieckaj movy Tašy Vanhčuka aryštavali ŭ 2016 hodzie. Jaho advakat paviedamiŭ pra vyzvaleńnie aktyvista, ale pakul što nieviadoma, ci całkam ź jaho źniali ŭsie abmiežavańni.
30.01.2021 / 21:03
Fota Depositphotos.com
Ułady Kitaja zatrymali Tašy na pačatku 2016 hoda paśla taho, jak jon z’iaviŭsia ŭ repartažach vydańnia New York Times, dzie raspaviadaŭ pra abaronu tybieckaj movy.
Jaho siam’i paviedamili pra heta tolki praz niekalki miesiacaŭ, a tolki ŭ 2018 hodzie sud abvinavaciŭ jaho ŭ «padbuchtorvańni da sieparatyzmu», što pryviało da piacihadovaha aryštu, piša DW.
Adzinym dokazam u sudzie było dzieviacichvilinnaje videa New York Times, dzie Tašy Vančhuk zajaŭlaŭ pra pahrozu źniščeńnia tybieckaj kultury i movy.
Ułady Kitaja pravodziać varožuju palityku ŭ adnosinach da moŭ nacyjanalnych mienšaściej. Tybiecki narod sutykajecca z ciskam, kab asimilavacca kulturna i linhvistyčna z kitajskaj bolšaściu.