На дварэ -13, а пасярод Мінска на Свіслачы ледзь не патануў рыбак
06.02.2021 / 14:52
Раніцай 6 лютага у цэнтры Мінска ледзь не патануў 58-гадовы рыбак. Ён праваліўся пад лёд на Свіслачы непадалёку ад Опернага тэатра, паведамляюць ратавальнікі.
Відавочца пазваніў у МНС і да прыезду ратавальнікаў утрымліваў рыбака з дапамогай драўляных брусаў.
Урэшце мужчыну абвязалі вяроўкай і выцягнулі на паверхню лёду. Рыбака адвезлі ў бальніцу з пераахаладжэннем.