Журналістаў беларускіх незалежных СМІ не пусцяць на суд па справе Бабарыкі
16.02.2021 / 19:01
«Наша Ніва», Tut.by, Naviny.by, Onliner і шэраг іншых выданняў ужо атрымалі адмовы. Камусьці адмовілі без тлумачэння прычын, камусьці адказалі, што на пасяджэнне ўжо акрэдытавалася дастаткова журналістаў, таму месцаў больш няма.
Партал «Беларусы і рынак» (чыіх журналістаў таксама не пусцяць на суд) працытаваў адказ прэс-сакратаркі Вярхоўнага суда Юліі Лясковай: «20 чалавек акрэдытавалі, галоснасць будзе забяспечана».
Выглядае, што на пасяджэнне пусцяць толькі дзяржаўныя СМІ і расійскую прэсу.