Znakamity kirmaš «Kaziukas» u Vilni projdzie anłajn. Jon admianiaŭsia tolki padčas Druhoj suśvietnaj

Vilenski kirmaš Kaziukas, što prachodziŭ 4 sakavika i źbiraŭ sotni tysiač naviednikaŭ, sioleta pieraniesieny ŭ internet, paviedamlaje Delfi.

21.02.2021 / 19:41

Delfl.lt

Tamu ramieśnikam i stvaralnikam niecharčovych praduktaŭ, jakija chočuć adkryć svaju internet-kramu na virtualnym kirmašy, prapanujecca zarehistravacca pa elektronnaj pošcie info@craftson.lt.

«Vidavočna, što zapłanavany na sakavik kirmaš Kaziukas u Vilni dakładna nie adbudziecca. U studzieni my razhladali mahčymaść pieranosu mierapryjemstva na krasavik, ale, bačačy situacyju i, u pieršuju čarhu, dumajučy pra biaśpieku ludziej, vyrašyli nie pravodzić u hetym hodzie kirmaš u Starym horadzie Vilni», — kaža vice-mer Vilni Edzita Tamašunajcie.

Pa słovach vice-mera, pry lubym źmiakčeńni karancinnych abmiežavańniaŭ u krasaviku — mai biaśpiečna arhanizavać śviata z udziełam sotniaŭ tysiač čałaviek praktyčna niemahčyma.

Vytoki kirmašu Kaziukasa (u honar śviatoha Kazimira — apiekuna Litvy) uzychodzić da XVII stahoddzia, i ličycca, što heta šmatviakovaje štohadovaje mierapryjemstva nie pravodziłasia tolki padčas Druhoj suśvietnaj vajny.