Maryja Kaleśnikava ŭhanaravanaja Mižnarodnaj žanočaj premijaj za mužnaść Dziarždepartamienta ZŠA
Premija IWOC Dziaržaŭnaha sakratara ŭručajecca žančynam z usiaho śvietu, jakija prademanstravali vyklučnuju mužnaść i lidarstva ŭ baraćbie za mir, spraviadlivaść, pravy čałavieka, hiendarnuju roŭnaść i pašyreńnie pravoŭ i mahčymaściaŭ žančyn.
05.03.2021 / 09:51
«Napiaredadni prezidenckich vybaraŭ 9 žniŭnia 2020 hoda biełaruskija žančyny stali daminujučaj palityčnaj siłaj i ruchavikom hramadskich pieramien u Biełarusi ŭ niemałoj stupieni dziakujučy Maryi Kaleśnikavaj, — adznačajecca na sajcie amierykanskaha zamiežnapalityčnaha viedamstva. — Paśla taho jak ułady pasadzili ŭ turmu abo vysłali troch samych papularnych apazicyjnych kandydataŭ-mužčyn, Maryja i jaje partniory kinuli histaryčny i ŭstojlivy vyklik 26-hadovamu kiravańniu Alaksandra Łukašenki. Maryja praciahvaje zastavacca tvaram apazicyi ŭnutry Biełarusi, jana mužna pieražyvaje turemnaje źniavoleńnie paśla sprečnych vybaraŭ. Niahledziačy na svajo zatrymańnie, Maryja praciahvaje padtrymlivać demakratyčny ruch unutry Biełarusi i słužyć krynicaj natchnieńnia dla ŭsich tych, chto imkniecca zavajavać svabodu dla siabie i svaich krain».