Biełaruś pačała pastaŭki naftapraduktaŭ u rasijskija party
5 sakavika dla pieravałki na terminale «Portenierha» niekalkimi składami było adpraŭlena bolš za 5 tysiač ton biełaruskaha bienzinu, havorycca ŭ paviedamleńni Mintransa Rasii.
06.03.2021 / 19:12
Akramia taho, 6 sakavika z Mazyrskaha NPZ była adhružanaja partyja mazutu abjomam 3,6 tysiačy ton z pieravałkaj na «Pieciarburhskim naftavym terminale».
Pastaŭki adbylisia ŭ miežach padpisanaha ŭ lutym mižuradavaha pahadnieńnia ab arhanizacyi pieravałki biełaruskich naftapraduktaŭ praz rasijskija marskija party. Pahadnieńnie praduhledžvaje pieravałku bolš za 9,8 miljona ton hruzaŭ u 2021-2023 hadach. Havorka idzie pra mazut, bienzin, hazojł i aliva. Dakumient praduhledžvaje zaklučeńnie kantraktaŭ pa pryncypie take-or-pay — «biary abo płaci».