Były śledčy Jaŭhien Juškievič: Pakul ja byŭ na dopycie, u mašynie korpalisia nieviadomyja — spracavaŭ videarehistratar
Były śledčy Jaŭhien Juškievič zaŭvažyŭ, što ŭ toj čas, kali jon z advakatam byŭ na dopycie ŭ minskim upraŭleńni Śledčaha kamiteta, u mašynu, na jakoj jon pryjechaŭ i jakuju pryparkavaŭ niepadaloku, praleźli nieviadomyja i niejki čas tam korpalisia.
17.03.2021 / 15:04
Jon zaŭvažyŭ heta pa viartańni, bo rehistratar spracavaŭ na ruchi.
Jaŭhien Juškievič padzialiŭsia hetaj infarmacyjaj z žurnalistami, bo aścierahajecca pravakacyj. Taksama jon nahadvaje, što mašyna naležyć baćku, i ni jon, ni baćka nie voziać u mašynie ničoha zabaronienaha, a taksama što sam Jaŭhien vielmi kiepska stavicca da zabaronienych rečyvaŭ i ŭ čas pracy ŭ orhanach zmahaŭsia z narkatyčnymi kramami.
Na videa trapiła čužaja ruka, skrynšot
Čytajcie taksama. Były top-śledčy pra realii raboty SK: jak pracuje, što balić i jak źmianić da lepšaha
Nahadajem, byłoha śledčaha Jaŭhiena Juškieviča zatrymali ŭ Minsku 25 listapada. Adrazu jaho źmiaścili ŭ IČU na Akreścina. Ź jaho advakatki ŭziali padpisku ab nierazhałošvańni. 27 listapada stała viadoma, što Jaŭhienu Juškieviču inkryminujuć častku 1 artykuła 342 Kryminalnaha kodeksa (Arhanizacyja i padrychtoŭka dziejańniaŭ, jakija hruba parušajuć hramadski paradak, abo aktyŭny ŭdzieł u ich). Jaho pieraviali ŭ SIZA-1 na vulicy Vaładarskaha ŭ Minsku.