ААН назвала самую шчаслівую краіну ў свеце
Фінляндыя чацвёрты год запар узначаліла спіс Сусветнага даклада аб шчасці (The World Happiness Report), падрыхтаванага ААН.
20.03.2021 / 20:20
Фота Depositphotos.com
На другім месцы знаходзіцца Данія, затым ідуць Швейцарыя, Ісландыя і Нідэрланды.
Новая Зеландыя зноў стала адзінай нееўрапейскай краінай, якая трапіла ў топ-10.
Аналітычны цэнтр Gallup апытаў людзей са 149 краін свету, каб яны ацанілі ўзровень свайго шчасця, піша BBC.
У дакладзе таксама ўлічваюцца сацыяльная палітыка краіны, асабістая свабода, валавы ўнутраны прадукт і ўзровень карупцыі.
Самай нешчаслівай краінай стаў Афганістан.
Беларусь знаходзіцца пасярэдзіне спісу — на 76 месцы.