NATO назвала Расію ў ліку галоўных пагроз разам з тэрарызмам і каранавірусам
Расія будзе для NATO галоўнай ваеннай пагрозай мінімум да 2030 года.
23.03.2021 / 20:06
У сучасным свеце Паўночнаатлантычнаму альянсу (NATO) пагражаюць агрэсіўныя дзеянні Расіі, міжнародны тэрарызм і пандэмія. Пра гэта гаворыцца ў сумеснай заяве кіраўнікоў МЗС краін альянсу, апублікаваным на сайце NATO.
«Мы сутыкаемся з пагрозамі, якія растуць, і сістэмнай канкурэнцыяй. Агрэсіўныя дзеянні Расіі ўяўляюць сабой пагрозу еўраатлантычнай бяспецы», — адзначаецца ў дакуменце.
У NATO мяркуюць, што «напорыстыя і аўтарытарныя дзяржавы» кідаюць выклік усяму міжнароднаму парадку, у тым ліку з дапамогай новых тэхналогій і кіберпагроз.
У дакладзе аб рэфармаванні блока «NATO — 2030», які быў апублікаваны па выніках кансультацый кіраўнікоў МЗС альянсу, гаварылася, што Расія будзе для NATO галоўнай ваеннай пагрозай мінімум да 2030 года. На другое месца сярод пагроз альянс паставіў Кітай, на трэцяе — міжнародны тэрарызм.