Kreml patłumačyŭ prysutnaść namieśnika kiraŭnika Minabarony na paradzie ŭ Mjanmie
Prysutnaść namieśnika ministra abarony Rasii Alaksandra Famina na vajskovym paradzie ŭ Mjanmie nie aznačaje, što rasijskija ŭłady padtrymlivajuć padziei, jakija adbyvajucca tam. Pra heta zajaviŭ pres-sakratar prezidenta Dźmitryj Piaskoŭ, piša RBK.
29.03.2021 / 16:20
«Heta zusim nie aznačaje, viadoma, adabreńnie voś tych trahičnych padziej, jakija majuć miesca ŭ krainie», — skazaŭ Piaskoŭ. Pavodle jaho słoŭ, u Rasii i Mjanmy daŭnija i kanstruktyŭnyja suviazi, i stavicca da prysutnaści rasijskaha vajskoŭca na paradzie varta «mienavita z hetaha vuhła».
Akramia taho, pradstaŭnik Kramla vykazaŭ zaniepakojenaść z-za rostu kolkaści achviar siarod hramadzianskaha nasielnictva ŭ chodzie pratestaŭ, jakija prachodziać u Mjanmie ź lutaha z-za zachopu ŭłady ŭ krainie vajskoŭcami.